An Dunnersdag den 12. Januar hem wi wedder een plattdütscher Stammdisch in de Begegnungsstätt, Möhlenstraat 3 mogt.
Un ditmol wieren wi wedder miehr as dat letzt Mol.
Sogar ut de ferne Stadt Laag wieren Gäste kumen und disse stellten glieck vörneg de wichtige Frag, worüm wohl Schwaan ümmer `n Schritt vör Laag is.
Ja, wi hemm een Stammdisch und Laag het keen nich!
Und denn kemen wi ok furtstens to unser Thema för dissen Abend:
Eeten un drinken!
Mit „Lütt Maten de Haas!“ güng dast los und denn wör vördragen und vörlest un sich uttuscht öwer de Gericht, de dat füger so gevt.
Bi`t slachten wür dat dunnemals all nachhaltig, alls verarbeit und nix wegschmeten…und Brotsupp mit fief Eiers gewt dat un Klüdensupp un Melksupp …und….und….und!
Twischendörch gewt dat ok noch een Rezept in Noten und jedereins,
de dorbi wier, de is nu ok wedder `n lütt beden schlauer!
Ja dat wier `n schönen Abend, nur mit de Superie, nee, da het wat fehlt,
und so endete der Abend mit dat trurige Leed „Harr ick mol `n Lütten“ ,
dat denn ok von all Anwesenden inbrünstig mitsungen wür.
De nächst plattdütsche Stammdisch is an
Dunnersdag den 9. Februar 2023 Klock half söben (18.30 Uhr).
Jedereins de kümmt, de is hartlich willkommen!!!!!!
An dissen Abend schall dat denn üm dat Thema „Ut miene Schaultied“ gahn. Jedereins, de kümmt schall vertellen, wat he so in seine Schaultied belewt hett. (un de oll Köster Klickermann ward wohl ok to Wurt kumen!“
Ilona und Korl