28. plattdütscher Stammdisch bi „Bürger für Schwaan“
Dat wier an 10. April (Ostermaand), ok wedder an een Dunnersdag, pünktlich Klock half söben, dor seten wi wedder an unsen plattdütschen Stammdisch in de Möhlenstraat und
hemm wedder eins unsen plattdütschen Stammdisch afhollen.
Ditmol gew dat wat ganz besonders, een Film över Schwaan, mit Bilders, so wi dat früher wier, von Dieter Wimbert.
Awer vörnwech harren wi noch dit und dat to beschnacken.
In`n Rostocker Botanischen Gorden is an 25. Mai een plattdütscher Bökerdag, dor will de ein or anne von uns hen. Und denn güng dat los, mit dat Leed von Klaus-Jürgen Schletti (Schlettwein) – Wo in uns Dörp oll Hüser stahn….
Wat givt dat Nieges in Schwaan?
- De Seniorenresidenz sall Photovolteik kriegen – na, nich dat se dat to warm ward an Mors. Und dat Stadtbild mit de roden Ziegeldächer wad se frühger hemm wollt in de Stadt? Dats wohl hüt oller Schnickschnack? Habeck is wech, awer de Unsinn löpt ümmer so wider…..EEG, Heizungsgesetz….. Na vielleicht meldt sich ja einer von de visionären
Politikers freiwillig, de hemm ja nu nix miehr to dohn.
- Bi Prehn/ or früher Passow, also dor, as wo früher de Reichsdruckerei wier, dor is nu `ne Physiotherapie – dat löpt bestimmt – villeicht giwt dat ok orientalische Massage, wieldess de Inder glick up de anne Straatensiet is.
Und denn hemm wi dat Leed von de „Ostseewellen“ sungen.
Nu wier de Film an de Reih`. Alle funnen em as wunnerbor. Veele schöne olle Ansichten
ut Schwaan, dor het nix fählt.Marktplatz, de Ossenschaul, Güstrower Straat, Linnenbruck ,Ziegelei Bröker, Bahnhof, Hotels, Tankstellen u.s.w. und dortau gew dat so veele Infos
över de Geschäfte und Handwerkers.
Ja, dor kemen de Erinnerungen wedder trüch in Kopp und achter an hemm wi denn noch lange över schnackt, över de gaude olle Tied.
Uns next Termine sind de 15. Mai (Wonnemaand) und 12.Juni (Brachmaand) - is immer een Dunnersdag Klock half söben (18.30 Uhr) wedder an uns Stammdisch in
uns Begegnungsstätt` in de Möhlenstraat.
An 15. Mai willen wi wedder ein lütt beten Grillen, mit uns Kökenchef Gerd. He will uns kulinarisch verwöhnen.
Und vörnweg willen wi över plattdütsche Sprüche und Buernregeln schnacken. Dor gibt dat ja so väl to vertellen, dat Weder, Eten und Drinken ......
Also, wenn ji nu wedder lütt beten nigiegierig sied, denn kummt vörbi!
An 15. Mai Klock half söben, bi Bürgers für Schwaan!
Bis denn dann, hold juch fuchtig
Ilona und Korl
Kommentar schreiben