Plattdeutscher Stammdisch bi „Bürger für Schwaan“
An 12.Juni (Brachmaand) – wedder eins een Dunnersdag, pünktlich Klock half söben (18.30 Uhr) sedden wi wedder in uns Begegnungsstätt` in de Möhlenstraat und hemm unsen plattdütschen Stammdisch afhollen. Ja, wi harren wedder veel to beschnacken, an dissen Abend.
Vörnwech, uns Warning`s (Ilona und Körling) harren Gülden Hochtied und so hemm wi se ierst oddich gratuliert und hochläben lodden. Se kregten `ne Festansprach und ok enen Frettkorv und Blomen gev dat ok und denn gewt dat noch een Foto. Weildess ehr Leiv so grot is hemm wi denn „Dat du min Leevsten büst“ sungen. Eenen utgäben willen se denn bi den nexten Stanndisch.
Denn kemen wi endlich to uns Thema: Wat gift dat Nieges in Schwaan?
Und wat gift dat Schöneres up de Welt as to klönen?
- Wat is mit de Tankstell? Keine Shopware miehr da - sall ja nu een niegen Pächter hemm, denn löpt sich allens wedder torecht.
- Bi de „Börse“ ward bugt…nu ward se afrädden, bloss de Fassade blift wohl stahn, de hemm se stabilisiert, vörn mit Balkens und binnen mit Beton. Nu geiht wohl voran.
- De Laden neben unsen Klockenschauster moggt nu wohl ok bald dicht.
Denn gift dat inne Marktgegend nich miehr väle Geschäfte…awer de
„Mecklenburger Hof“, de höllt dörch!
In uns olle DDR-Zeitschrift „Eulenspiegel“ gift dat `ne Rubrik „Wat macht eigentlich….? …und dorbi is uns de olle Schaulgorden achter de Leugenbrück, vörnan von Lindenbrock rechte Sied in de Kurv, infollen. Dat wier ja wohl `ne Streuobstwisch oder so. Jedenfalls, de Schaul bzw. de Liehrers moggen wohl kein Schaulgordenunterricht miehr und so passiert dor wohl so gut as nix miehr.
Wiso vergedd de Schaul ehre Projekt so fix? …oder sind de Müs all?
Dat glicke passiert wohl mit den Skulpturenpark achter de „Kunstmöhl“. Bi de Eröffnung, ick glöw dat wier 2016, dor wier sogar Funk und Fernsehen dorbi und hüt is von all den Glanz und Gloria nich miehr väl to seihn. Dat möd doch een Anliegen för de Kunstmöhl sein, dat ok de Skulpturenpark dem künstlerischen Anspruch unserer Stadt gerecht ward.
Ja, bugt is fix und dat Geld is ok fix utgäben, för een gaude Sock, awer dat to erhollen, dat kost….Arbeit.
Ja, und denn kemen wi noch tau dat leidige Thema „Fußgängerüberweg“.
Von de Warnowbrück bis an de „Kunstmöhl“ gift dat een einzigen davon und de is an de Stll, wo em kein ein bruckt. Dat wier woll een „Schildbürgerstreich“ oder de dat moggt hem, de hemm bloss kein Ahnung. Wegge twischen 16 und 18 Uhr över uns Haupstraad will, möd mächtig uppassen oder he riskiert hupen und „Stinkefinger“.
Ja, in Schwaan gift dat immer wat to vertellen…Ehrenamtsball wier ok und de wier gelungen, im Campus. Hett de Gäst wohl siehr gefallen, vor allem dat Büffet, dat wier achter de iehrste Rund all ratzekahl. De nexte „Goldene Herzen“ – Ball is denn in 3 Johr und wi freuen uns schon hüt.
Uns next Stammdisch is denn an 24.Juli (Gewiddermaand), wi ümmer Dunnersdag Klock half söben in uns Begegnungsstätt und denn willen wi wohl lütt bedden fiern. … und to vertellen gift dat wohl einiges, ut Schwaan.
Hold juch fuchtig
Ilona und Korl