33. plattdütsche Stammdisch - un ditmol nich bi „Bürger für Schwaan“
Nee, denn uns Stammdisch wier ditmol mobil, Wi wieren bi Svenni Köhlert up de Kutsch unnerwägens.
An 19. September (Harwstmaand), dat wier an Fridag Nahmiddag Klock een, dunn güng dat los. Af güng dat an unse Schwaaner Kark und denn ümmer de Pierd achteran -Bützower Straat – Richtung Letschow. Vörbi an Kartüffelsortierplatz, denn kem de Kiekut und de Pier güngen ümmer tau. Und denn duerte dat ok gor nich lang und wi wieren in Letschower Holt, denn rechts af vörbi bi de Straußßens und so güng dat ümmer tau un ümmer tau. Nu harren wi denn ok all „Nieges ut Schwaan“ dörchnahmen – lütt beten to eten geev dat ok, un nu wieren wi in Singelaune.
Na, dor hemm de Pierd sick awer verführt, ne so wat hemm de Pierd noch nie nich hürt. Leeders in platt und hochdütsch. Dat wier so, wie dat in Pierdhimmel wohl sien möd. So etwa het mi dat Kutscher Svenni achteran vertellt, ja sonne Fuhre harren se all drei giern öfters.
Und wi willen denn ok noch Dank seggen för dissen schönen Dag bi Svenni, siene Pierd un den leiwen Gott, denn dat Wedder wier so as de Fohrt – einfach wunnerbor.
Uns next Stammdisch is denn an 23. Oktober (Gilbhard oder Wienmaand), denn wedder in de Möhlenstraad Klock half söben.
Hold juch fuchtig
Ilona un Korl
Kommentar schreiben