35. Plattdütscher Stammdisch bi „Bürger für Schwaan“
An 20.November- Nevelmaand – dat wier as wi ümmer een Dunnersdag, pünktlich Klock half söben sedden wi wedder in uns Begegnungsstätt` in de Möhlenstraat, an unsen plattdütschen Stammdisch.
Ditmol güng dat glieks los mit unse Rubrik: „Wat gift dat Nieges in Schwaan?“
Und dor gev dat ja veel tau vertellen, denn wi harren ja an 16.11. uns Bürgermeisterwahl.
Uns „oller“ Bürgermeister, he is ierst 60, harr ok een Gegenkandidat. Un mit denn hett he sick denn an 05.11. in Campus to een „Bürgerforum“ dropen.
Veele Schwaaner`s wieren kamen un hemm sick anhürt wat de beiden to seggen harr`n.
Dat güng ok kontrovers, över de Pläne und Wünsche un de Möglichkeiten – aver – ohne Moos nix los!. To`n Schluss künnen denn de Bürgers noch ehr Fragen an de beiden Kandidaten richten…un denn irgendwann wier`t vörbi und at gev Bier un Würstchen.
Un denn hemm`s Lichterfest in Schwaan moggt, an 14.11. Ja, de Veranstalters harr`n de Stadt schön utlücht, de Kark wier bunt anstrahlt un överall in de Gaststätt`n und ok in de August-Bebel-Straat wier Livemusik un ok in de Kark,,, un de Pastor hett ok sproken, över de errungene Demokratie. Un denn hemm wi sungen, „Wendeleeders för den Weltfrieden!“ - all hett dat gefoll`n, so veele Lüd sühst selten in uns Kark.
Awer nu kem uns wichtigstes Thema, de Bürgermeisterwahl – un de „Olle“ is de „Niege“.
Dat löp ganz so in Schwaan as wie bi Fritzing Reuter: „Allens blifft bi`n ollen“.
Ja und nu kemen wi denn tau dat Thema von Abend . „Bi den Dokter un den Tendokter!“
Dor över kunn man ja veel vertellen und lesen un lachen….
To`n Schluss denn hemm wi noch Ideen insammelt, vunwägen, wat moggen wi in`t nächst` Johr?
So wier ok disse Abend an unsen Stammdisch fix vörbi.
Uns next Stammdisch is denn ierst in`t niege Johr an 15, Januar, (Hartung, Iesmaand or Sneimaand) an Dunnersdag half söben.
Bis dorhen -
Hold juch fuchtig
Ilona und Korl
Kommentar schreiben